Александер Чеферин Чемпионлар лигасининг янги форматининг афзалликларини айтиб ўтди.
"Биз ҳамма учун фойдали бўлган қарорга келдик. Биз турнирни олдиндан айтиб бўлмайдиган ва қизиқарли қилдик, унда кўпроқ мамлакатлар вакиллари иштирок этиш имкониятига эга бўлишади.
- Бу ниҳоят Суперлигани ўлдиришга имкон бердими?
- Суперлигани ўлдирган нарса шу деб айта олмайман. Тўғрироғи, буни амалга оширган таклифнинг бемаънилиги эди.
Аммо турнир (Чемпионлар лигасининг янги формати) шу қадар қизиқарли бўлиб чиқдики, футбол ҳақида заррача тасаввурга эга бўлган одам унда иштирок этишни истаса керак.
- Жуда кўп ўйинлар бўлади деб ўйламайсизми?
- Ўйлайманки, ҳозир жуда кўп ўйинлар бор. Бир томондан клублар молиявий нуқтаи назардан футболчилар билан шартнома имзолаш имконияти йўқлигини айтишса, бошқа томондан, футболчилар тиғиз тақвимда ўйнашни хоҳламайдилар. Аммо энди ўйинлар янада қизиқарли бўлади ва бундан ҳамма фойда кўради.
Менимча, тақвим аллақачон ҳаддан ташқари оғир ва биз битта ҳам ортиқча ўйин қўша олмаймиз", деди УEФА президенти.
