Бирмингемнинг "Астон Вилла" клуби жорий трансфер ойнасининг янги футболчиси, ярим ҳимоячи Энцо Барренечани "Валенсия"га ижарага берди.
Аввалроқ, "виллаликлар" ярим ҳимоячини Туриннинг "Ювентус" клубидан 8 миллион евро эвазига сотиб олганди.
23 ёшли футболчи яқинлашиб келаётган мавсумни "Валенсия"да ўтказади. Шартнома муддати бир йилга мўлжалланган.
Футболчи 2020 йилда "Ювентус"га ўтган эди. У тўрт йилни "кекса синёра" тизимида ўтказди. Ўтган футбол мавсумида Барренечеа А Серия аутсайдерларидан бири "Фрозиноне"да ўйнади.
Ёзда у ижарадан қайтди ва дарҳол Туринни тарк этиб, инглиз клубига йўл олди.
