Ўзбекистон кубогида бироз аввал ярим финалнинг икки беллашуви якунига етди. «Андижон» ўз майдонида «Сурхон»ни қабул қилган бўлса, «Навбаҳор» «Пахтакор»га қарши сафарда майдонга чиқди.

Ҳар икки баҳснинг асосий вақтида 0:0 ҳисоби қайд этилди. Андижонда мезбонлар пенальтиларда аниқроқ ҳаракат қилган бўлса (5:4), Тошкентда наманганликлар (4:3) пенальтилардан устун келди.

Энди 5 октябрь куни Фарғонадаги «Истиқлол» стадионида Ўзбекистон кубоги финалида «Андижон» ва «Навбаҳор» қарама-қаршилиги гувоҳига айланамиз.