«Реал Мадрид» бош мураббийи Карло Анчелотти жамоаси ҳужумчилари - Килиан Мбаппе ва Винисиус Жуниор ҳақида гапирди.
«Мбаппе? У яхши киришиб кетмоқда. У ҳужумда жуда хавфли. Винисиус ва Мбаппе ажойиб. Шубҳасиз, биз яхшироқ, тезроқ бўлишимиз мумкин. Ўйлайманки, биз яхшироқ ўйнай оламиз. Мбаппе тез орада ҳамма нарсага мослашиб кета олади.
Винисиус ва Мбаппе майдонда ўрин алмашиши мумкин, аммо Вини кўпроқ чапда ўйнайди. Биз худди шундай руҳда давом этамиз», - деди Анчелотти журналистларга.
«Реал» навбатдаги ўйинини 1 сентябрь, якшанба куни ўз майдонида «Бетис»га қарши ўтказади.
