Рафаэль Варан «Комо»нинг А Серия учун қайдномасидан четлаштирилди.

31 ёшли ҳимоячи ушбу мавсумда Италия клубига эркин агент сифатида қўшилганди.

У «Комо» сафида Италия кубоги доирасидаги «Сампдория»га қарши ўйинда (1:1, пенальтилар бўйича 3:4) дебют қилди, бироқ ўйиннинг 23-дақиқасида сонидан олган жароҳати туфайли алмаштирилди.

Хабар қилинишича, Варан узоқ муддатга сафдан чиқди ва клуб ўйинчини А Серия учун қайдномага киргазишдан воз кечди.

Шу тариқа, «Реал» ва «Манчестер Юнайтед»нинг собиқ футболчиси «Комо» футболчилар рўйхатини янгиламагунча Италия чемпионати ўйинларида иштирок эта олмайди.