«Барселона» раҳбарияти жамоанинг янги аъзоси Дани Ольмони фақат шу йилнинг охиригача рўйхатдан ўтказишга муваффақ бўлишди. Бу ҳақда "Mundo Deportivo" журналистлари хабар берди.
Манбанинг қайд этишича, агар «кўк-анорранглилар» янги футболчиларни рўйхатдан ўтказиш билан боғлиқ муаммоларни ҳал қила олмаса, испаниялик ярим ҳимоячи 1 январь куни жамоанинг қайдномасидан четлаштирилади.
Олдинроқ «Барса» Ольмони Андреас Кристенсен жароҳати туфайли бўшаб қолган ўрин эвазига рўйхатдан ўтказишга муваффақ бўлгани маълум бўлганди. Дани ўтган ёзда Каталония грандига ўтди ва 6 йиллик шартнома имзолади.
