«Barselona» rahbariyati jamoaning yangi a’zosi Dani Olmoni faqat shu yilning oxirigacha ro‘yxatdan o‘tkazishga muvaffaq bo‘lishdi. Bu haqda "Mundo Deportivo" jurnalistlari xabar berdi.
Manbaning qayd etishicha, agar «ko‘k-anorranglilar» yangi futbolchilarni ro‘yxatdan o‘tkazish bilan bog‘liq muammolarni hal qila olmasa, ispaniyalik yarim himoyachi 1 yanvar kuni jamoaning qaydnomasidan chetlashtiriladi.
Oldinroq «Barsa» Olmoni Andreas Kristensen jarohati tufayli bo‘shab qolgan o‘rin evaziga ro‘yxatdan o‘tkazishga muvaffaq bo‘lgani ma’lum bo‘lgandi. Dani o‘tgan yozda Kataloniya grandiga o‘tdi va 6 yillik shartnoma imzoladi.
