Ҳужумчи Килиан Мбаппе Испания чемпионатининг якшанба куни бўлиб ўтган "Бетис"га қарши ўйинида яхши ўйнади. “Реал” 2:0 ҳисобида ғалаба қозонди, Мбаппе эса дублга эришди.
Бу франциялик футболчининг Испания Ла Лигасидаги илк голлари бўлди. Ўйиндан сўнг Мбаппе ижтимоий тармоқларда пост қолдирди. Юлдуз футболчи бу билан тўхтаб қолмаслик ҳақида рақибларини огоҳлантирди.
"Мен кўпроқ нарсага чанқоқман", деб ёзган Мбаппе танланган фотосуратлар остида.
"Реал Мадрид"нинг Испания чемпионатидаги навбатдаги рақиби "Реал Сосьедад" бўлади. Жамоалар 14 сентябрь, шанба куни ўйнайди.
