"Брайтон"нинг энг тажрибали ярим ҳимоячиси Жеймс Милнер "Арсенал"га қарши ўйинда жароҳат олди. 17-дақиқада футболчи алмаштирилди. “Чайкалар” шу туфайли ярим ҳимояда жиддий муаммога дуч келиши мумкин.
Билли Гилмур ва Паскал Гросс ёзда жамоани тарк этишди. Бундан ташқари, Матс Виффер аллақачон касалхонада. Бу ҳақда жамоа устози Фабиан Хуртселер гапирди.
"Энди бизда Матс ва Жеймс жароҳат олгани учун позицияда етарлича ўйинчи йўқдек. Шунингдек, ёзда собиқ футболчиларимизнинг хоҳиш-истакларини инобатга олган ҳолда трансферларни ҳам амалга оширдик. Биз уларнинг орзуларини рўёбга чиқаришига тўсқинлик қилмоқчи эмасдик", - дея мураббийнинг сўзларини келтиради клуб расмий сайти.
Ушбу қийинчиликларга қарамай, "Брайтон" мавсумни жуда яхши бошлади. Жамоа учинчи ўринда ва етти очкога эга.
