Арне Слот Муҳаммад Салоҳнинг "Ливерпул"даги сўнгги мавсуми ҳақидаги сўзларига муносабат билдирди.
Ўйиндан сўнг берган интервюсида Салоҳ бу унинг "Олд Траффорд"даги сўнгги ўйини бўлиши мумкинлигини инкор этмади. Футболчининг таъкидлашича, клубда ҳеч ким у билан шартномаси мавсум охирида тугаши ҳақида гапирмаган.
"Айни пайтда у бизлардан бири ва мен бундан жуда хурсандман, у жуда яхши ўйнади.
Мен ўйинчиларнинг шартномалари ҳақида гапирмайман, лекин Салоҳ қандай ўйнаганлиги ҳақида соатлаб гапира оламан", - деди "Ливерпул" бош мураббийи матбуот анжуманида.
