Аурелиен Тчуамени жароҳат олди ва терма жамоа ихтиёрини тарк этди.
24 ёшли ярим ҳимоячи чап оёғидаги муаммолар туфайли Франция терма жамоасининг бўлажак ўйинларида иштирок этмайди, деб ёзади RMC Sport нашри. Сентябрь ойида Дидье Дешам шогирдлари Миллатлар лигасида Италия ва Бельгия терма жамоалари билан учрашади.
Тчуамени ўрнига Франция терма жамоасига "Лацио" футболчиси Маттео Гендузи чақирилади.
Аурелиен сўнгги пайтларда соғлиғида муаммоларга дуч келган учинчи "Реал" футболчиси. Бугун Мадрид клуби Дани Себальос ва Ферланд Мендининг жароҳатларини элон қилди.
