"Ювентус" марказий ҳимоячиси Федерико Гатти клуб билан янги шартнома имзолайди. 26 ёшли футболчи янги А Сериянинг учта ўйинида ҳам жамоани сардорлик боғичлари билан майдонга олиб чиқди.
Раҳбарият марказий ҳимоячининг муваффақиятидан мамнун ва у тез орада янги меҳнат шартномаси билан тақдирланади. Журналист Николо Шкиранинг сўзларига кўра, Гатти 2029 йилгача амал қиладиган шартнома имзолашига бир қадам қолган.
Футболчининг маоши кўтарилади. Ўтган ёзда "Ювентус" Англия Премьер-лигасининг номи ошкор этилмаган клубининг Федерико Гатти бўйича 25 миллион евролик таклифини рад этганди.
