Англия терма жамоасининг собиқ бош мураббийи Гарет Саутгейт "Манчестер Юнайтед"га ишга келиши мумкин.
54 ёшли мураббий жорий мавсум бошланишидан олдин ҳам Эрик тен Хаг ўрнига асосий номзодлардан бири ҳисобланарди, бироқ "қизил иблислар" раҳбарияти якунда нидерландиялик мутахассис билан ҳамкорликни давом эттиришга қарор қилди.
Жамоа кампанияни яхши бошламаяпти, шунинг учун ОАВда тен Хагнинг кетиши мумкинлиги ҳақида янги миш-мишлар тарқалмоқда. The Sun нашри хабарига кўра, Саутгейт ҳозирги мураббий истеъфога чиқса, "Манчестер Юнайтед" бош мураббийи лавозимини эгаллаши мумкин бўлган тахминий фаворит ҳисобланади.
