Россия Премьер-лигасининг 26-турига келиб Москванинг "Локомотив" клуби 7та ўйинга чўзилган ғалабасиз серияга барҳам беришга муваффақ бўлди. Улар "Ростов"ни ўз майдонларида 3:1 ҳисобида мағлуб этишди.

"Зенит"га қарши ўйинда йўл қўйган айрим хатоларига қарамай, темирйўлчилар бош мураббийи ҳамюртимиз Виталий Денисовга ишонишда давом этмоқда. Виталий эса ўйиндан-ўйинга яхши ўйин кўрсатиб бормоқда. "Ростов"га қарши ўйинда ўзбекистонлик ҳимоячи мудофаада яхши ўйнаши билан бирга, жамоасининг ҳужумларида фаол иштирок этди. Жамоасининг 82-дақиқасида киритган иккинчи голи ҳаммуаллифи бўлди. Унинг қанотдан етказиб берган тўпини Фелипе Кейсадо эгаллаб олди ва дарвозабонни алдаб ўтиб, дарвозани ишғол қилди. Денисов ўйинни тўлиқ ўтказди.

Ушбу ғалабадан кейин "Локо" ҳисобидаги очколар сони 37тага етди ва жамоа 9-ўринга кўтарилиб олди. Энди темирйўлчилар еврокубокларда иштирок этиш ҳуқуқини берадиган ўриндан 4 очко ажратиб турибди.

Россия премьер-лигаси. 26-й тур
Локомотив – Ростов 3:1 (1:1, 2:0)
Голлар: 1:0 – 20 Н’Дойе, 1:1 – 28 Калачев, 2:1 – 83 Кайседо, 3:1 – 89 Торбинский.
Локомотив – Крешич, Янбаев, Чорлука, Дюрица, Денисов, Тарасов, Миранчук (Оздоев, 86), Глушаков (Торбинский, 59), Обинна (Кайседо, 68), Майкон, Н’Дойе.