«Валенсия» ҳужумчиси Рафа Мир Испания фуқаролик гвардияси томонидан ҳибсга олинди, деб хабар бермоқда "Cadena SER" радиостанцияси. Нашрнинг ёзишича, 27 ёшли футболчи жинсий тажовузда гумон қилинмоқда.
Ҳодиса спортчининг уйида содир бўлган. У ҳибсга олинган бошқа эркак билан бирга тахминан 25 ёшли икки аёлга нисбатан ноқонуний хатти-ҳаракатлар содир этган. Қайд этилишича, жабрланганларга шифохонада ёрдам керак бўлган.
Рафа Мир «Валенсия»га шу ёзда келиб қўшилди. Аввалроқ «Севилья»да ўйнаб, Европа лигасида ғолиб чиққанди. Форвард Испания терма жамоаси таркибида Токио-2020 Олимпиадасида ҳам кумуш медални қўлга киритди.
