"Челси"нинг собиқ ярим ҳимоячиси Эммануэль Пети клубга нима учун бунчалик кўп ўйинчи кераклигини тушунмаяпти. Ёзги трансфер ойнасининг сўнгги соатларида "кўклар" "Манчестер Юнайтед" вингери Жейдон Санчони ижарага олганини эълон қилди.
"Челси" Санчо билан шартнома имзолаганини кўрганимда, у учун бўш рақам борми, деб ўйладим. Тасаввур қилинг-а, у қандай қилиб жамоанинг кийиниш хонасига киради ва у ерда жуда кўп ўйинчиларни кўради. "Челси"нинг машғулот базасида иккита кийиниш хонаси, учта майдон ва 12 физиотерапевт бўлиши керак", - дейди 2001 йилдан 2004 йилгача Лондон жамоасида ўйнаган Пети.
