"Chelsi"ning sobiq yarim himoyachisi Emmanuel Peti klubga nima uchun bunchalik ko‘p o‘yinchi kerakligini tushunmayapti. Yozgi transfer oynasining so‘nggi soatlarida "ko‘klar" "Manchester Yunayted" vingeri Jeydon Sanchoni ijaraga olganini e’lon qildi.
"Chelsi" Sancho bilan shartnoma imzolaganini ko‘rganimda, u uchun bo‘sh raqam bormi, deb o‘yladim. Tasavvur qiling-a, u qanday qilib jamoaning kiyinish xonasiga kiradi va u yerda juda ko‘p o‘yinchilarni ko‘radi. "Chelsi"ning mashg‘ulot bazasida ikkita kiyinish xonasi, uchta maydon va 12 fizioterapevt bo‘lishi kerak", - deydi 2001 yildan 2004 yilgacha London jamoasida o‘ynagan Peti.
