Ярим ҳимоячи Мануэль Угарте нима учун "ПСЖ"дан "Манчестер Юнайтед"га ўтишга қарор қилганини тушунтирди. Уругвайлик футболчи "қизил иблислар" сафига ёзги трансфер ойнасининг сўнгги кунларида келиб қўшилди.

"Ҳамма билади, "Манчестер Юнайтед" буюк тарихга эга, дунёдаги энг яхши клублардан бири. Мен Факундо Пелистри билан кўп гаплашдим, у менга ҳамма нарсани айтиб берди. "Олд Траффорд"да ўйинлар пайтида ажойиб муҳит ҳукм суради.

Мен жуда ҳаяжондаман ва буни ўзим бошдан кечиришни хоҳлайман. "Манчестер Юнайтед" каби мухлисларни ҳеч қачон кўрмаганман. Мумкин бўлган ўтишим ҳақидаги биринчи хабар пайдо бўлиши билан улар менга хабарлар юборишни бошладилар ", - деб Угарте сўзларини келтиради Fotmob.