Франция терма жамоаси сафида жаҳон ва Европа чемпиони, “Челси”нинг собиқ футболчиси Эммануэль Пети клуб хўжайини Тодд Боэлининг трансфер сиёсатини танқид қилиб, Лондон жамоасидаги ҳозирги ҳолат ҳақида ўз фикрларини билдириб ўтди.
"Агар "Челси"нинг ҳозирги футболчиси бўлганимда, ўзимга кўп саволлар берган бўлардим, деб айтгандим. Бу ерга келиб тўғри қилдимми, ахир кийиниш хонасида 40-45 нафар футболчи бўлса керак. Мен бу ҳақда кулдим, лекин бунинг кулгили жойи йўқ, чунки қандай қилиб 45 нафар футболчи билан машғулот ўтказиш мумкин? Максимал - 25 нафар футболчи етади.
"Челси" трансферларини баҳолаш? Ростини айтсам, мен энди уларни кузатмайман, чунки бу кулгили бўлиб бормоқда. Боэли жуда кўп пули борлигидан хурсандман. Лекин уни қандай сарфлаши... Бу Америка спорти эмас. Бу Европа. Молиявий фэйр-плей каби қоидалар бор, шунинг учун улар қоидалар доирасида қолиш учун футболчилар билан етти, саккиз, тўққиз йиллик шартномалар тузадилар" - деди Пети.
