"Барселона" президенти Жоан Лапорта Европа Суперлигаси лойиҳасининг Чемпионлар лигасига ижобий таъсирини таъкидлади.
"Суперлига ўз позициясини ўзгартиргани йўқ. Бу УЕФАга Чемпионлар лигаси форматини яхшилашга ёрдам берди. Мен янги форматдан хурсандман ва олдинда бундан ҳам кўпроқ завқланадиган ўйинлар бўлишидан хурсандман", - деди Лапорта "Барселона" матбуот хизматига.
2021 йилнинг апрель ойида Европанинг бир қатор клублари раҳбарлари Суперлига ташкил этилишини расман тасдиқладилар. Янги турнирга 12 та клуб асос солган. Уларга яна учтаси қўшилиши кутилганди. Бу жамоалар Суперлиганинг доимий иштирокчисига айланиши керак эди.
