Каталониянинг “Барселона” клуби раҳбарияти жамоанинг янги аъзоси Дани Ольмони фақат шу йилнинг охиригача рўйхатдан ўтказишга муваффақ бўлган.
Манбанинг қайд этишича, агар каталонияликлар янги футболчиларни рўйхатдан ўтказиш билан боғлиқ муаммоларни ҳал қила олмаса, испаниялик ярим ҳимоячи 1 январь куни жамоа таркибидан четлатилиши мумкин. Аввалроқ “Барса” Ольмони Андреас Кристенсен жароҳати туфайли бўшаб қолган ўрин эвазига рўйхатдан ўтказишга муваффақ бўлгани маълум бўлганди.
Дани ўтган ёзда Каталония грандига ўтди ва клуб билан 6 йиллик шартнома имзолади. Ла Лиганинг жорий мавсумида 26 ёшли футболчи иккита ўйин ўтказиб, иккита гол урди.
