Суперлигадаги танаффусдан кейин "Андижон" футболчилари қисқа муддатли хордиқдан сўнг кечадан бошлаб яна машғулотларга қайтишди.
Бугундан футболчилар кунига икки маҳалдан шуғулланишга киришдилар. Таркибда биргина тожикистонлик ҳужумчи Шахром Самиев йўқ, қолган барча йигитлар сафда. Олдин хабар берилганидек, Самиев Тожикистон терма жамоасининг Малайзиядаги "Merdeka Cup-2024" мусобақасида қатнашиш учун жўнаб кетган.
Эслатиб ўтамиз, Суперлиганинг навбатдаги 18-турида "Андижон" 15 сентябрь санасида “Бобур арена”да Тошкентнинг “Локомотив” клубини қабул қилади.
