"Барселона" ярим ҳимоячиси Дани Ольмо "кўк-анорранглилар"нинг барча ўйинчилари чемпионликни қўлга киритишни хоҳлашларини айтди.
"Мен ҳозиргина Европа чемпионатида ғалаба қозондим ва ғалаба қозонишдан чарчамадим. Мен кўпроқ ғалаба қозонишни хоҳлайман. Футболчи ғалабаларга чанқоқлигини йўқота олмайди ва жамоадагиларнинг барчаси "Барселона" билан яна совринлар ютиш истагида", - деди Ольмо Marca билан суҳбатда.
Ольмо август ойида Германиянинг "Лейпциг" клубидан ўтиб, каталонияликлар сафига қўшилган эди. Трансфер суммаси 55 миллион евро + бонуслар эди. Футболчининг клуб билан шартномаси 2030 йилнинг ёзига қадар мўлжалланган.
Transfermarkt портали 26 ёшли ярим ҳимоячини 60 миллион еврога баҳоламоқда, Ольмо ўтган мавсумда клуб сафида барча турнирларда 25 та ўйин ўтказиб, 8 та гол ва 5 та голли узатмани амалга оширган.
