"Barselona" yarim himoyachisi Dani Olmo "ko‘k-anorranglilar"ning barcha o‘yinchilari chempionlikni qo‘lga kiritishni xohlashlarini aytdi.
"Men hozirgina Yevropa chempionatida g‘alaba qozondim va g‘alaba qozonishdan charchamadim. Men ko‘proq g‘alaba qozonishni xohlayman. Futbolchi g‘alabalarga chanqoqligini yo‘qota olmaydi va jamoadagilarning barchasi "Barselona" bilan yana sovrinlar yutish istagida", - dedi Olmo Marca bilan suhbatda.
Olmo avgust oyida Germaniyaning "Leypsig" klubidan o‘tib, kataloniyaliklar safiga qo‘shilgan edi. Transfer summasi 55 million yevro + bonuslar edi. Futbolchining klub bilan shartnomasi 2030 yilning yoziga qadar mo‘ljallangan.
Transfermarkt portali 26 yoshli yarim himoyachini 60 million yevroga baholamoqda, Olmo o‘tgan mavsumda klub safida barcha turnirlarda 25 ta o‘yin o‘tkazib, 8 ta gol va 5 ta golli uzatmani amalga oshirgan.
