АПЛнинг сўнгги икки учрашувида «Манчестер Юнайтед» «Брайтон» (1:2) ва «Ливерпуль»га (0:3) мағлуб бўлди. Машҳур собиқ футболчи Алан Ширер танқидларга учраган «қизил иблислар» бош мураббийи Эрик тен Хагнинг истиқболлари ҳақида гапирди.

«Тен Хаг Рождествони «Манчестер Юнайтед»да ўтказиши учун натижалар сезиларли даражада яхшиланиши керак. «Брайтон» ва «Ливерпуль»дан учралган мағлубиятдан кейин кўп нарса кейинги икки ўйинга боғлиқ. Агар келгуси ўйинларда сезиларли яхшиланиш бўлмаса, тен Хаг учун бу жуда қийин бўлади - шовқин фақат кучаяди», - деди Ширер.