"Реал Мадрид"нинг испаниялик сардори Дани Карвахаль клуб президенти Флорентино Переснинг ишини баҳолади.
"Бу энг яхши президент. У инфратузилмани, стадионни яхшилаш учун ҳамма нарсани қилди, трансферлар орқали молиявий барқарорликка эришди, у клубнинг етакчиси ва мутлақ хўжайини.
Ҳеч ким президентдан юқори бўлмаслиги жуда муҳим ва унинг "Реал"даги фаолияти ҳақиқатан ҳам ҳайратланарли", - деди Карвахаль The Athletic билан суҳбатда.
Эслатиб ўтамиз, Флорентино Перес илк бор 2000 йилда "Реал" президенти бўлган. 2009 йилдан бери Перес бошчилигида клуб 5 карра Испания чемпиони бўлди, 6 марта Чемпионлар лигасида ғолиб чиқди ва беш марта УЕФА Суперкубогини қўлга киритди. Бундан ташқари, клуб уч марта Испания кубогини қўлга киритган, беш марта мамлакат Суперкубогини қўлга киритган, шунингдек, беш марта клублар ўртасидаги жаҳон чемпионатида ғолиб чиққан. Шу йилнинг апрель ойида Перес яна клуб президенти этиб тайинланди ва у 2025 йилгача бу лавозимда қолади.
