Германия терма жамоаси ва Мадриднинг “Реал” клуби собиқ футболчиси Тони Кроос 2024 йилда “Олтин тўп”га даъвогарлар рўйхатига киритилгани ҳақида фикр билдирди.
"Нафақа. Эслаганингиз учун ташаккур”, — деб немис ўзининг ижтимоий тармоқларида хабар қолдирди.
Эслатиб ўтамиз, Кроос футболчилик фаолиятини 2024 йилги Европа чемпионатидан сўнг якунлаган ва у ерда Германия терма жамоаси билан чорак финалга қадар етиб борганди. Чорак финал учрашувида "Бундестим" Испания терма жамоасига қўшимча бўлимларда 1:2 ҳисобида мағлуб бўлди. Ярим ҳимоячи 2014 йилдан бери "Реал"да ўйнаб келаётганди. Мадридликлар билан биргаликда тўрт марта Чемпионлар лигасида ғолиб чиқди, шунингдек, тўрт марта Испания Ла Лигаси чемпиони бўлди.
