Испания терма жамоаси ва "Реал Мадрид" қанот ҳимоячиси Дани Карвахаль футболчилик фаолиятини якунлаш ҳақидаги саволга жавоб берди.
“Ҳозир бу ҳақда ўйламайман. "Реал Мадрид" билан амалдаги келишувим бор. Мен футболдан, ҳар бир машғулотдан завқланишни давом эттирмоқчиман. Йиллар ўтиб, ҳар бир лаҳзани қадрлаш керак деган тушунча пайдо бўлади. Клуб билан яхши муносабатдаман. Агар биз келгуси ҳамкорлик бўйича келишиб олсак, мен мамнуният билан қоламан", - дейди 32 ёшли ҳимоячи.
Карвахаль "Реал Мадрид" академияси тарбияланувчисидир. Ўтган мавсумда у жамоа билан Испания чемпиони ва Чемпионлар Лигаси ғолибига айланди.
