"Барселона" клуби ҳимоя дастури доирасида Гави ва Рональд Араухонинг жароҳатлари учун бу йил ФИФАдан катта миқдорда товон пули кутмоқда.

Ҳар икки футболчи ҳам ўз терма жамоаларида ўйнаб жароҳат олган. ФИФАнинг Клубларни ҳимоя қилиш дастурига кўра, Араухонинг тиззасидаги хочсимон бўғими йиртилиб кетгани сабабли 4 ой майдонга туша олмагани учун "Барса"га 2,5 миллион евро тўлаши керак. Ҳимоячи Америка Кубоги-2024 да жароҳат олган эди.

Бундан ташқари, ФИФА Гави майдонга тушмаган ҳар бир кун учун “Барселона”га 20 548 евро тўлайди. Ёш ярим ҳимоячи 2023 йилнинг ноябридан буён майдонга тушмаяпти ва каталонияликлар унинг 10 ойлик сафдан чиққани учун 5 миллион евродан ортиқ товон пули олишади.

Шундай қилиб, йил охиригача “Барса” ФИФАдан тахминан 10 миллион евро олиши мумкин.