Канада терма жамоаси ва Франциянинг "Лилль" клуби ҳужумчиси Жонатан Дэвид фаолиятини Италия чемпионатида давом эттириш имкониятига эга. Бу ҳақда AS хабар бермоқда.
24 ёшли футболчининг хизматларига Туриннинг "Ювентус" клуби қизиқиш билдирмоқда. "Кекса синьора" футболчининг шартномаси тугашидан унумли фойдаланмоқчи. Дэвиднинг "Лилль" билан амалдаги шартномаси келаси йилнинг июнь ойи охиригача амал қилади. Канадалик футболчининг трансфер нархи 50 миллион еврога баҳоланмоқда. Франция чемпионатининг ўтган мавсумида Жонатан 34 та ўйинда майдонга тушиб, 19 та гол ва 4 та голли узатмани амалга оширган.
