Рафа Мир жинсий зўравонлик ҳақидаги даъволарга изоҳ берди.

Душанба куни "Севилья"дан ижарага олинган "Валенсия" форварди икки аёлга нисбатан жинсий зўравонликда гумонланиб ҳибсга олинганди. Жабрланувчилардан бирининг кўрсатмаларига кўра, жиноят ўтган шанба куни футболчининг уйидаги шахсий зиёфатда содир этилган, қиз ва унинг дугонаси Мир билан тунги клубда учрашгандан кейин борган. Жабрланувчининг айтишича, уни футболчи ва унинг дугонаси калтаклаган, у ҳам ҳибсга олинган.

Кўрсатма берганидан сўнг, Рафа Мир ва унинг дўсти, "Алькантарилла" футболчиси Пабло Жара гаров эвазига қўйиб юборилди. "Валенсия" вазиятни батафсил таҳлил қилиш учун форвардни ҳафта охиригача машғулотлардан четлатди.

"Мен яхшиман. Вақти келганда ҳаммасини айтиб бераман. Биласизми, менда бу борада ҳеч қандай муаммо йўқ" - деди Мир La Sexta нашрига берган изоҳида.