"Барселона" ярим ҳимоячиси Педри каталонияликлар бош мураббийи сифатида Ханс-Дитер Флик келганидан сўнг жамоа ўйинидаги ўзгаришлар ҳақида гапирди.
"Биз аввалгидан кўра кўпроқ ишлай бошладик. Буни ўйинда кўриш мумкин. Жамоа 70-80 дақиқалик ўйиндан сўнг таслим бўлмайди ва жисмоний тайёргарлигини юқори даражада ушлаб туришда давом этмоқда", - дея Педрининг сўзларини келтиради Barca Universal.
Жорий мавсумда 21 ёшли ярим ҳимоячи Испания чемпионатининг тўртта учрашувида майдонга тушиб, битта гол уришга муваффақ бўлди. Тўрт турдан кейин "Барселона" 12 очко билан Ла Лига турнир жадвалида пешқадамлик қилмоқда.
