АОКАда Ёшлар ишлари агентлиги, Спорт вазирлиги, Ўзбекистон маҳаллалар уюшмаси, Ўзбекистон гандбол федерацияси раҳбарияти иштирокида ўтказиладиган матбуот анжуманида “Ўзбекистон маҳаллалари уюшмаси кубоги” мусобақалари юзасидан маълумот берилди.

Туман/шаҳар босқичи (15-30-сентябрь): Маҳаллалардаги ёшлар ўртасида саралаш мусобақалари;

Ҳудудий босқичи (10-18-октябрь): Туман/шаҳар босқичи ғолиблари ўртасида мусобақалари;

Республика финал босқичи (3-6-ноябрь): Ҳудудий босқич ғолиблари Республика кубоги учун курашади.

Гандбол мусобақалари Ўзбекистон Гандбол федерациясининг қоидаларига мувофиқ ўтказилади.

Ҳар бир жамоада 10 нафар ёш эркак спортчи, 1 мураббий ва 1 жамоа раҳбари иштирок этади.

Мусобақанинг финал босқичида ғолиб жамоалар кубок ва эсдалик совғалар билан тақдирланади.

Ушбу спорт мусобақаси ёшларни соғлом турмуш тарзи сари етаклаш ва улар орасидан иқтидорли спортчиларни аниқлашга қаратилган бўлиб, ўз маҳаллалари номидан иштирок этиш имкониятини тақдим этади.

Мусобақаларда иштирок этиш учун www.5tashabbus.uz платформасидан рўйхатдан ўтилади ёки маҳалла ёшлар етакчисига мурожаат қилинади.