Испания терма жамоаси ва “Челси” клуби ҳимоячиси Марк Кукурелья шов-шувга сабаб бўлган қўшиғи ҳақидаги саволга жавоб берди.
"Қизил фурия"нинг Евро-2024даги ғалабасини нишонлаш чоғида Кукурелья ўзининг қўшиғида Эрлинг Холандни эслатиб ўтди:
"Тайёр тур Холанд, Кукурелья келмоқда". Яқинда «Челси»нинг «Манчестер Сити»га қарши ўйинида (0:2) норвегиялик футболчи воқеани эслаб, испанияликни «бемаъни» деб атаганди.
Бунга Кукурелья ортиқча эътибор қилмади. "Ҳамма хурсанд эди: Холанд "Челси" – "Манчестер Сити" ўйинида гол урди ва мен ҳамон жамоамнинг Евродаги ғалабасидан хурсандман", — дея Кукурельядан иқтибос келтиради City Xtra.
