"Манчестер Сити" "Реал" ҳужумчиси Родригога қизиқиш билдирмоқда. Шу билан бирга, "қироллик клуби" ҳам ўз навбатида "шаҳарликлар" таянч ярим ҳимоячиси Родри Эрнандесни ўз сафида кўрмоқчи.
Todofichajes сўзларига кўра, томонлар келишувга эриша олса, иккала битим ҳам келаси йил якунланиши мумкин. Родрининг трансфер қиймати 130 миллион еврога баҳоланган, Родригонинг нархи эса 110 миллион.
Испаниялик ярим ҳимоячининг Англия чемпиони билан 2027 йилнинг ўрталарига қадар шартнома мажбуриятлари бор. Бразилиялик форварднинг "Лос-Бланкос" билан шартномаси 2028 йилнинг ёзида якунига етади.
