"Ювентус" вингери Самуэль Мбангула клуб билан янги шартнома имзолайди.
20 ёшли футболчи Тиаго Мотта бошчилигида ўзини ёрқин кўрсатди: бельгиялик футболчи август ойида дебют қилган ва "Бьянконерилар"нинг асосий жамоасида бор-йўғи учта ўйин ўтказа олган, бироқ А Серияда аллақачон битта гол ва учта голли узатмани амалга оширган. Журналист Николо Скиранинг фикрича, "Ювентус" Мбангула билан шартномани узайтиришга бир қадам қолган. Истиқболли футболчи 2029 йилгача маошини сезиларли даражада ошириш билан шартнома имзолаши кутилмоқда.
Самуэль Мбангуланинг Турин клуби билан амалдаги шартномаси 2026 йилнинг ўрталарига қадар мўлжалланган.
