Франция терма жамоаси бош мураббийи Дидье Дешам Миллатлар лигаси доирасидаги Италиядан учралган мағлубият (1:3) ҳақида фикр билдирди. Французлар 14-секунддаёқ ҳисобни очишди, аммо якунда мағлуб бўлишди.
"Биз фактларга қарашимиз керак. Бутун ўйин давомида бизга етарли бўлмади. Италия хатоларимиз ва биз уларга берган ҳудудлардан унумли фойдаланиб, бизга муаммолар туғдирди. Мен футболчиларга ўз фикрларимни айтдим, лекин якунда содир бўлаётган воқеалар учун мен жавобгарман", — деди Дешам GFFN билан суҳбатда.
9 сентябрь куни Франция ўз майдонида Бельгияга қарши баҳс олиб боради.
