Франциянинг “Марсель” жамоасида янги мавсумни муваффақиятли бошлаган ҳужумчи Мэйсон Гринвуд Англия терма жамоаси мураббийлар штаби томонидан эътиборга олинмаяпти. Бу ҳақда "Уч шерлар" бош мураббийи вазифасини бажарувчи Ли Карсли айтиб ўтди.
"Биз Гринвуднинг номзодини кўриб чиқмаяпмиз. Янги жамоада унинг тақдири қандай кетаётганини биламан, бироқ у терма жамоага таклиф этилмади", - дея мутахассиснинг сўзларини келтиради Goal.com портали.
Гринвуд ўтган ёзда "Манчестер Юнайтед"дан "Марсель"га ўтган эди. 22 ёшли ҳужумчи француз клуби билан 5 йиллик меҳнат шартномасини имзолади.
