Fransiyaning “Marsel” jamoasida yangi mavsumni muvaffaqiyatli boshlagan hujumchi Meyson Grinvud Angliya terma jamoasi murabbiylar shtabi tomonidan e’tiborga olinmayapti. Bu haqda "Uch sherlar" bosh murabbiyi vazifasini bajaruvchi Li Karsli aytib o‘tdi.
"Biz Grinvudning nomzodini ko‘rib chiqmayapmiz. Yangi jamoada uning taqdiri qanday ketayotganini bilaman, biroq u terma jamoaga taklif etilmadi", - deya mutaxassisning so‘zlarini keltiradi Goal.com portali.
Grinvud o‘tgan yozda "Manchester Yunayted"dan "Marsel"ga o‘tgan edi. 22 yoshli hujumchi fransuz klubi bilan 5 yillik mehnat shartnomasini imzoladi.