"Манчестер Сити" ярим ҳимоячиси Родри Эрнандес бош мураббийи Пеп Гвардиолани мақтади. Эслатиб ўтамиз, испаниялик футболчи 2019 йилнинг ёзидан “Атлетико”дан кўчиб ўтганидан буён “шаҳарликлар” сафида ўйнаб келмоқда.
"Гвардиола ҳар доим бир қадам олдинда. У маълум бир ўйинда нима бўлиши мумкинлигини олдиндан кўра олади. Хосеп ҳеч қачон эришган ютуқларидан тўхтамайди. Рақобатчиларингиз сизни доимо таҳлил қилади. Агар бир жойда турсангиз, кетма-кет тўртта Премьер-лига чемпионлигини қўлга кирита олмайсиз. Ё ўзингни қайта ихтиро қил, ё ўл" - деди Родри Players Tribune нашрига.
Родри айни дамда октябрь ойида топшириладиган "Олтин тўп"ни қўлга киритиш фаворитларидан бири саналади.
