Англия терма жамоаси ярим ҳимоячилари Деклан Райс ва Жек Грилиш кеча, 7 сентябрь куни УЕФА Миллатлар лигаси доирасидаги ўйинда собиқ Ирландия терма жамоаси дарвозасига биттадан гол уришди.
Ирландия терма жамоаси мухлислари футболчиларни ёмон кутиб олишди, трибуналарда уларга нисбатан ҳақоратомуз баннерларни осиб, иккаласига ҳам ҳуштаклар билан босим ўтказишди. Райс ва Грилиш ўтмишда Ирландияни ёшлар даражасидаги бир нечта терма жамоаси шарафини ҳимоя қилишган, аммо кейинчалик Англияни танлашган.
11-дақиқада Деклан Райс дарвозанинг юқори ўнг бурчагига зарба бериб, ҳисобни очди. 26-дақиқада Райсдан узатмани қабул қилиб олган Жек Грилиш ҳам гол урди.
