«Барселона» раҳбарияти марказий ҳимоячи Рональд Араухо ва ҳужумкор ярим ҳимоячи Френки де Йонг ҳали ҳам клубдаги келажаги борасида бир қарорга келмаганидан хавотирда. Бу ҳақда "Mundo Deportivo" хабар бермоқда.

Манбанинг хабарига кўра, испан гранди бу футболчилар шартномани узайтириш ниятида эканига ҳалигача жавоб ололмаган. Таъкидланишича, «блауграна» Араухо ва де Йонг агентлари билан музокаралар олиб бормоқда, аммо ҳозирча ҳеч қандай тараққиёт йўқ.

Агар футболчилар келаси ёзгача меҳнат шартномаларини узайтирмаса, «Барселона» уларни сотиш вариантларини кўриб чиқа бошлайди. Де Йонг ва Араухонинг шартномаси 2026 йилнинг ёзига қадар амал қилади.