Луис Суарес "Барселона"га Рональд Араухони клубда қолишга кўндиришга ёрдам берди.

Бу ҳақда Mundo Deportivo хабар бермоқда.

"Блауграна" ва Уругвай терма жамоасининг собиқ ҳужумчиси Суарес ўз ҳамюрти ва Каталония клуби ҳимоячиси билан дўст. Бир неча ой олдин, Араухо "Бавария" билан вариантга эга бўлганида, айнан Суарес "Барса" раҳбарияти ва ҳимоячи ўртасидаги музокараларда ўзига хос воситачи бўлди, унинг шартномаси 2026 йил июнигача мўлжалланган.

Манбага кўра, Араухонинг агентлари келажак ҳақидаги музокаралар чоғида "Блауграна"нинг позициясини нотўғри кўрсатган бўлиши мумкин ва бу вазиятларда "Барса" президенти Жоан Лапорта Суаресдан маслаҳат сўраган ва у янада тўғрироқ маълумот берган.