Мадриднинг "Реал" клуби "Бетис"нинг собиқ ярим ҳимоячиси, чап оёғи синганидан кейин операция қилинган Искони қўллаб-қувватлаб баёнот берди. Эслатиб ўтамиз, футболчи Испания чемпионатининг ўтган мавсуми 36-туридан ўрин олган “Лас-Пальмас” билан ўйинда (2:2) оёғини синдириб олганди.

"Реал Мадрид" ва клуб мухлислари бизнинг азиз инсонимиз Искони қўллаб-қувватлаш ва севги изҳор этишни истаймиз, биз унинг футбол майдонида сеҳридан баҳраманд бўлишда давом этишимиз учун тез орада соғайиб кетишини кўрамиз", - деди клуб матбуот хизмати баёнотида.

32 ёшли Иско ўтган мавсумда "Бетис" сафида 36 та ўйинда майдонга тушди. У 9 та гол урди ва 6 та голли узатмани амалга оширди. Transfermarkt порталида берилган маълумотларга кўра, футболчининг бозор қиймати 8 миллион еврони ташкил қилади.