Лондоннинг “Арсенал” клуби миш-мишларга қарамай, ёзда ҳужумчи Виктор Осимхенни сотиб олишни режалаштирмаган эди.

"Канонирлар" "Наполи" футболчисига "Челси" ва "ПСЖ" билан бир қаторда даъвогарлар қаторидан ўрин олишди - натижада ҳеч бир клуб А Серия юлдузини ўз сафига жалб эта олмади. Сентябр ойидаёқ нигериялик футболчи ижара асосида Туркиянинг "Галатасарой"ига ўтган эди. Afsstuff маълумотларига кўра, "Арсенал" шу йилнинг бошида Осимхендан кўнгли қола бошлаган. Лондонликлар раҳбариятини нафақат форварднинг маош талаби, балки умуман ўзини тутиши ҳам ташвишга солган. Манбага кўра, футболчи ва Нигерия терма жамоаси мураббийи ўртасидаги оммавий можародан сўнг, Лондон клуби ниҳоят Викторнинг номзодига чек қўйган.