Франческо Камарда "Милан" ва Италия терма жамоаси учун умидли футболчи сифатида кўрилмоқда, аммо ҳужумчи ҳали атиги 16 ёшда эканлигини ҳисобга олсак, унга сабр-тоқат керак.
Собиқ итальян мураббийи Фабио Капелло Камарда ҳақида фикр билдирди.
"Камардага кўпроқ вақт керак. У бирданига катта йўлни босиб ўта олмайди, яъни C сериядан терма жамоага бирданига чақирув олиш қийин.
У "Милан Футуро" сафида ўзини кўрсата олди. "Милан"га яхши италияликлар керак. Ёшларнинг секин камолотга етишига имкон бериш керак", – деди Капелло.
