Сенегаллик ҳужумчи Мбайе Ньянг Шимолий Африка давлатларидан бири – Марокаш чемпионатига ўтди. Ўзининг янги мамлакатида у "Видад" жамоаси шарафини ҳимоя қилади.
Марказ ҳужумчиси 2025 йилнинг ёзига қадар шартнома имзолади ва футболчи янги клубига эркин агент сифатида ўтди.
Ньянгнинг аввалги клуби Италия А Сериясининг "Эмполи" клуби эди. “Кан” тарбияланувчиси фаолияти аввалида “Милан”, “Монпелье”, “Женоа”, “Уотфорд”, “Торино”, “Ренн” ва бошқа кўплаб клубларда ўйнаган. Футболчи Сенегал терма жамоаси сафида 15 та ўйинда майдонга тушиб, 4 та гол урган. Transfermarkt Марокаш чемпионатига янги келган футболчини 2,5 миллион еврога баҳолайди.
