Миланнинг “Интер” клуби ҳужумчиси Маркус Тюрам Лондоннинг “Арсенал” клубининг нишонига айланди.
Франциялик футболчи инглиз гигантлари учун “Б режаси” саналади: “Канонирлар” кейинги ёзда “РБ Лейпциг”дан Бенжамин Шешкони ололмаса, “нерадзуррилар” ҳужумчиси вариантини қўлга киритишга ҳаракат қилади, деб хабар беради Caughtoffside. Айни дамда "Арсенал" Тюрам бўйича музокаралар олиб бораётгани йўқ, лондонликлар раҳбарияти эса 27 ёшли футболчининг трансферини амалга ошириш қанчалик имкони борлигини ҳали аниқлаб олмаган.
Transfermarkt портали экспертлари Маркус Тюрамнинг қийматини 65 миллион еврога баҳоламоқда.