Ярим ҳимоячи Мартин Эдегор Норвегия терма жамоаси сафида жароҳат олди. У Лондоннинг "Арсенал" жамоасининг бўлажак ўйинларини ўтказиб юбориши мумкин.
25 ёшли футболчи Австрия терма жамоаси билан Миллатлар лигаси учрашувининг иккинчи ярмида майдонни тарк этишга мажбур бўлди. The Athletic хабарига кўра, ўйиндан сўнг Норвегия терма жамоаси бошқарувчиси Столе Сольбаккен Эдегорнинг жароҳати "ёмон кўринаётганини" айтди. Мутахассиснинг фикрича, ярим ҳимоячи сешанба куни кўрикдан ўтади.
15 сентябрь куни “Арсенал” Премьер-лига доирасидаги “Тоттенхэм”га қарши меҳмонда ўйин ўтказади. 19 сентябрь куни Микель Артета шогирдлари Чемпионлар лигасидаги ўйинини Бергамода “Аталанта”га қарши ўйин билан бошлайди, уч кундан сўнг эса яна бир муҳим баҳс меҳмонда – Премьер-лигада “Манчестер Сити” билан ўйнайди.
