"ПСЖ" вингери Усмон Дембеле Франция терма жамоасининг Бельгияга (2:0) қарши ўйинидан сўнг журналистлар билан ўз фикрларини ўртоқлашди.
27 ёшли футболчи Миллатлар лигаси учрашувининг 57-дақиқасида гол уриб, таблодаги якуний натижани ўрнатди.
"Бу мавсумда мен тез-тез дарвозага зарба беришга ҳаракат қиляпман", - дейди Дембеле ўйиндан кейин Telefoot нашрига берган интервьюсида. - Луис Энрике ("ПСЖ" мураббийи) доим мендан зарба беришимни, омадимни синаб кўришимни сўрайди. Мен ҳар бир машғулотда зарбалар устида ишлайман”, - дейди Франция терма жамоаси сафида 51 ўйинда ўзининг олтинчи голини урган Усмон.
